ఎదురెదురుగా వెళ్తోన్న రెండు లారీలు ఢీ... ఓ డ్రైవర్​ పరిస్థితి విషమం

అతివేగంతో ఎదురెదురుగా వచ్చిన రెండు లారీలు ఢీకొన్న ఘటన వికారాబాద్ జిల్లా పరిగి మండలం లఖ్నాపూర్​ గేటు వద్ద చోటుచేసుకుంది. ఈ ప్రమాదంలో.. ఓ డ్రైవర్​ లారీలోనే ఇరుక్కోగా.. మరో డ్రైవర్​ తీవ్రంగా గాయపడ్డాడు.

వికారాబాద్ జిల్లా పరిగి మండలం లఖ్నాపూర్ గేటు సమీపంలో ఘోర రోడ్డు ప్రమాదం జరిగింది. హైదరాబాద్ - బీజాపూర్ జాతీయ రహదారిపై ఎదురెదురుగా వస్తున్న రెండు లారీలు ఢీకొన్నాయి. ఈ ప్రమాదంలో ఓ డ్రైవర్ లారీలోనే ఇరుక్కుపోగా... మరో డ్రైవర్ తీవ్రంగా గాయపడ్డాడు.

ప్రమాదం గురించి స్థానికులు పోలీసులకు సమాచారమందించినా వెంటనే స్పందించలేదు. 108 వాహనం కూడా సకాలంలో రాలేదు. డ్రైవర్​కు తీవ్ర రక్తస్రావమవ్వడం వల్ల స్థానికులే ఆసుపత్రికి తరలించారు. పోలీసుల తీరుపై స్థానిక ప్రజలు ఆగ్రహం వ్యక్తం చేశారు.

• ఇదీ చూడండి:బైక్​పై నుంచి జారి టిప్పర్​ కింద పడి వ్యక్తి మృతి