విషాదం.. బీచ్‌లో ఈతకు వెళ్లి ఇద్దరు బాలురు మృతి

బీచ్‌లో ఈతకు వెళ్లి ఇద్దరు బాలురు మృతి చెందిన ఘటన ఏపీలోని విశాఖ జిల్లా గోవుపేటలో జరిగింది. స్నేహితులతో కలిసి సరదాగా ఈత కొట్టేందుకు వెళ్లి గ్రామానికి చెందిన యశ్వంత్, అజిత్ కుమార్​లు ప్రాణాలు కోల్పోయారు.

ఆంధ్రప్రదేశ్​లోని విశాఖ జిల్లా గోవుపేటలో విషాదం చోటుచేసుకుంది. సముద్రంలో ఈతకు వెళ్లి గ్రామానికి చెందిన ఇద్దరు బాలురు మృతి చెందారు.

గ్రామానికి చెందిన వాసుపల్లి యశ్వంత్, దౌలపల్లి అజిత్ కుమార్​లు మరో ముగ్గురు స్నేహితులతో కలిసి సముద్రానికి ఆనుకుని ఉన్న గెడ్డలో సరదాగా ఈతకొట్టేందుకు వెళ్లారు. గెడ్డ సముద్రంలో కలిసే చోట యశ్వంత్, అజిత్ కుమార్​లు మునిగిపోయారు. భయంతో మరో ముగ్గురు కేకలు వేయటంతో వారిని మత్స్యకారులు రక్షించారు. మరో ఇద్దరు బాలురు ప్రాణాలు కోల్పోయారు. ప్రమాదంపై కేసు నమోదు చేసుకున్న పోలీసులు.. మృతదేహాలను శవపరీక్ష నిమిత్తం ప్రభుత్వాసుపత్రికి తరలించారు.

ఇదీచదవండి..భారీగా నిషేధిత గుట్కా, పొగాకు ఉత్పత్తులు పట్టివేత