ఆటోను ఢీకొన్న టిప్పర్...డ్రైవర్​కు తీవ్ర గాయాలు

ఆటోను టిప్పర్​ ఢీకొన్న ఘటనలో ఆటో డ్రైవర్​కు తీవ్ర గాయాలయ్యాయి. యాదాద్రి భువనగిరి జిల్లా ఆత్మకూరు మండలం రాయిపల్లి స్టేజీ వద్ద ఈ ప్రమాదం జరిగింది. క్షతగాత్రున్ని చికిత్స కోసం భువనగిరి ఏరియా ఆస్పత్రికి తరలించారు.

యాదాద్రి భువనగిరి జిల్లా ఆత్మకూరు(యం) మండలం రాయిపల్లి స్టేజీ వద్ద జరిగిన రోడ్డు ప్రమాదంలో ఆటో డ్రైవర్​కు తీవ్ర గాయాలయ్యాయి. భువనగిరి నుంచి ఆత్మకూరు వెళ్తున్న టిప్పర్ ఎదురుగా వస్తున్న ఆటోను ఢీకొట్టింది. క్షతగాత్రున్ని చికిత్స కోసం ప్రైవేటు వాహనంలో జిల్లా ఏరియా ఆస్పత్రికి తరలించారు.

ఆటో డ్రైవర్​ తన స్వగ్రామమైన జనగామ జిల్లా దేవరుప్పుల మండలం సింగరాజుపల్లి నుంచి హైదరాబాదుకు తిరిగి వెళ్తుండగా ప్రమాదం జరిగినట్లు స్థానికులు తెలిపారు. ఆ సమయంలో ఆటోలో ఎవరూ లేకపోవడంతో పెనుప్రమాదం తప్పింది.

ఇదీ చూడండి:బస్తీల్లో సఫాయికి సుస్తీ.. చీపురు పట్టిన కార్పొరేటర్ డాక్టర్