వృద్ధునిపై చిరుత పులి దాడి.. స్థానికుల భయాందోళన

చిరుత పులుల సంచారం గ్రామాల్లో ప్రజలకు నిద్ర లేకుండా చేస్తోంది. అనంతపురం జిల్లా రోళ్ల మండలంలో మంగళవారం రాత్రి చిరుత పులి ఓ వృద్ధునిపై దాడి చేసింది.

ఏపీలోని అనంతపురం జిల్లా రోళ్ల మండలం నాసేపల్లిలో ఓ వృద్ధునిపై చిరుత దాడి చేసింది. పాతన్న అనే వృద్ధుడు తెల్లవారుజామున బహిర్భూమికి వెళ్లిన సమయంలో... అతనిపై చిరుత దాడికి పాల్పడింది. కాపాడండి అని బాధితుడు కేకలు వేయగా వదిలేసింది.

వృద్ధుని కాలికి గాయమవ్వడం వల్ల గ్రామస్థులు ఆస్పత్రిలో చేర్పించారు. ప్రస్తుతం బాధితుడు క్షేమంగానే ఉన్నారు. అటవీశాఖ అధికారులు అతన్ని పరామర్శించి ఘటన వివరాలు అడిగి తెలుసుకున్నారు.

ఇదీ చదవండి:కాసేపటి కిక్కు కోసం కన్నతల్లినే హత్య చేశాడు.!