విషాదం: రోడ్డుప్రమాదంలో దంపతులు, కుమారుడు దుర్మరణం

కారు, ట్యాంకర్​ను ఢీకొట్టిన ప్రమాదంలో దంపతులు, వారి కుమారుడు దుర్మరణం చెందారు. మరొకరి పరిస్థితి విషమంగా ఉంది. ఈ విషాద ఘటన సూర్యాపేట జిల్లాలో చోటుచేసుకుంది.

సూర్యాపేట జిల్లా చివ్వెంల మండలం కాశీంపేట వద్ద ఘోర రోడ్డుప్రమాదం చోటుచేసుకుంది. అతివేగంతో కారు ట్యాంకర్​ను ఢీకొట్టింది. ప్రమాదంలో ఇద్దరు అక్కడికక్కడే మృతి చెందగా.. చికిత్స పొందుతూ మరొకరు మృతి చెందారు. ఒకరి పరిస్థితి విషమంగా ఉంది.

పోలీసులు మృతదేహాలను సూర్యాపేట ప్రభుత్వ ఆసుపత్రికి తరలించారు. మృతులు ఏపీలోని విజయవాడకు చెందిన దంపతులు విజయ కుమారి, సత్యానందం, కుమారుడు జోసెఫ్​గా గుర్తించారు.