ఏటీఎం చోరీకి నానా తంటాలు.. సీసీ కెమెరాల్లో కేటుగాళ్లు

ఏటీఎంలో నగదును చోరీ చేసేందుకు వెళ్లిన దుండగులకు నిరాశే ఎదురైన ఘటన బోధన్ పట్టణంలో చోటు చేసుకుంది. ఏటీఎం మిషన్​ను తెరిచేందుకు చేసిన వారి ప్రయత్నాలు విఫలమయ్యాయి.

నిజామాబాద్ జిల్లా బోధన్ పట్టణంలోని కెనరా బ్యాంక్ ఏటీఎం చోరీకి దుండగులు విఫలయత్నం చేశారు. ఏటీఎం పైకప్పును రాడ్​తో తొలిగించిన ఇద్దరు దొంగలు... లోపల మిషన్ తెరుచుకోకపోవడంతో వెనుదిరిగిపోయారు. బోధన్ పట్టణం నడిబొడ్డున ఉండే కెనరా బ్యాంక్ ఏటీఎం ధ్వంసం చేసి... డబ్బులు కాజేయడానికి దుండగులు రకరకాలుగా ప్రయత్నించారు.

మిషన్ తెరుచుకోకపోవడంతో అక్కడి నుంచి ఉడాయించారు. ఈ దృశ్యాలన్నీ సీసీ కెమెరాల్లో నమోదయ్యాయి. పోలీసులు కేసు నమోదు చేసుకుని దర్యాప్తు ప్రారంభించారు. బోధన్​లో లాక్​డౌన్ ముగిశాక వరుస దొంగతనాలు జరుగుతున్నాయి. రోజురోజుకు దొంగలు రెచ్చిపోతున్నారు.

ఇదీ చూడండి:వనస్థలిపురంలో రెండు ఏటీఎంలలో చోరీ