బెదిరించి నగలు కాజేసిన ఆటో డ్రైవర్​కు రిమాండ్​

ఆటోలో ప్రయాణిస్తున్న వృద్ధ దంపతులను బెదిరించి నగలు కాజేసిన ఆటో డ్రైవర్​ను పట్టుకుని రిమాండకు తరలించినట్టు భువనగిరి జోన్ డీసీపీ కే నారాయణ రెడ్డి తెలిపారు. నిందితుడిపై పలు సెక్షన్ల కింద కేసు నమోదు చేసినట్టు వెల్లడించారు.

ఉత్తరప్రదేశ్​కు చెందిన మహమ్మద్ సాహెలీజ్ అలియాస్ దిల్లీ అనే వ్యక్తి యాదాద్రి భువనగిరి జిల్లా భువనగిరిలో ఆటో నడుపుకుంటూ జీవనం సాగిస్తున్నాడు. భువనగిరి బస్టాండ్ వద్ద వృద్ధ దంపతులు బీబీనగర్​కు వెళ్లాలని ఆటో డ్రైవర్ దిల్లీని కోరగా... ఆటో ఎక్కించుకుని భువనగిరి బైపాస్ వైపు తీసుకెళ్లి వారిని బెదిరించాడు. వారి వద్ద ఉన్న నెక్లెస్, కమ్మలు లాక్కొని పక్కనే ఉన్న ఓ దాబా వద్ద దింపి వెళ్లాడు.

బాధితుల ఫిర్యాదు మేరకు రంగంలోకి దిగిన పోలీసులు... ఆటో డ్రైవర్​ని జలీల్​పురా వద్ద గుర్తించి అతని నుంచి బంగారు ఆభరణాలు స్వాధీనం చేసుకున్నట్టు డీసీపీ నారాయణ రెడ్డి తెలిపారు. దిల్లీ అనే వ్యక్తి గతంలో పలు కేసుల్లో నిందితుడిగా ఉన్నాడని వివరించారు. నిందితుడిపై పలు సెక్షన్ల కింద కేసు నమోదు చేసి రిమాండ్​కు తరలించామని వెల్లడించారు.

ఇదీ చదవండి:ప్రమాదవశాత్తు చెరువులో పడి ఓ వ్యక్తి మృతి