ఏడాది వ్యవధిలో ఒకే ఏటీఎంలో రెండు సార్లు చోరీ

నల్గొండ జిల్లా వెలిమినేడులో ఆదివారం అర్ధరాత్రి దొంగలు బీభత్సం సృష్టించారు. స్థానికంగా ఉన్న ఇండిక్యాష్​ ఏటీఎంలో రూ.7 లక్షలు కొల్లగొట్టారు. చిట్యాల ఏటీఎంలో దొంగతనానికి విఫలయత్నం చేసిన దుండగులు వెలిమినేడులో చోరీకి పాల్పడ్డారు. ఆ ఏటీఎంలో దొంగతనం జరగడం ఏడాది వ్యవధిలో ఇది రెండోసారి.

నల్గొండ జిల్లా చిట్యాల మండలం వెలిమినేడులోని ఇండిక్యాష్ ఏటీఎంలో ఆదివారం రాత్రి చోరీ జరిగింది. ముందుగా వట్టిమర్తి వద్ద కారును దొంగిలించి ఎత్తుకెళ్లగా... వెలిమినేడు గ్రామం వద్దకు చేరుకోగానే అందులో ఇంధనం అయిపోయింది. దుండగులు ఆ వాహనాన్ని అక్కడే వదిలేసి... పక్కనే ఉన్న ఏటీఎంను గ్యాస్ కట్టర్​తో ధ్వంసం చేసి రూ.7 లక్షలు కొల్లగొట్టారు. అదే ప్రాంతానికి చెందిన క్వాలిస్​ను అపహరించి... గుండ్రాంపల్లి వద్దకు చేరుకోగానే ఆ వాహనాన్ని వదిలేసి పరారయ్యారు.

గతేడాది సైతం అదే ఏటీఎంలో రూ.12 లక్షలు చోరీ చేశారు. ఇది ఉత్తరాదికి చెందిన ముఠాల పనేనని పోలీసులు అనుమానిస్తున్నారు.

ఇదీ చదవండి:దొంగల బీభత్సం.. ఏటీఎంలో చోరీకి విఫలయత్నం