ఖమ్మంలో పట్టపగలే దోపిడీ దొంగ రెచ్చిపోయాడు. నగరం మధ్యలోని ఓ ఇంట్లో తుపాకితో గృహిణిని బెదిరించి మెడలోని మంగళసూత్రం దోచుకెళ్లాడు. రహమత్నగర్‌లో లావణ్య, సునిల్‌ రెడ్డి దంపతులు నివాసముంటున్నారు. వారికి ఒక 10నెలల పాప ఉంది. ముందు పోర్షన్‌లో లావణ్య, సునీల్ దంపతులు అద్దెకున్నారు. వెనుక పోర్షన్‌ ఖాళీగా ఉండటం వల్ల ఇంటి ముందు టులెట్‌ బోర్డు పెట్టారు.
పట్ట పగలే ఇంట్లో దూరి నగలు దోచుకెళ్లిన దొంగ... - ఖమ్మంలో దొంగతనం
గది అద్దెకు దొరుకుతుందా అంటూ ఇంట్లోకి వచ్చాడు. చంటి పిల్ల ఉండటం చూసి ఇదే అదునుగా భావించాడు. చిన్నారిని అడ్డుపెట్టుకుని తన దగ్గరున్న తుపాకీతో బెదిరించాడు. నిస్సహాయంగా ఉన్న గృహిణి మెడలో ఉన్న మంగళసూత్రంతో ఉడాయించాడు.
theft at afternoontime in khammam
మధ్యాహ్నం సమయంలో ఒక అగంతకుడు ఇల్లు అద్దెకు కావాలని అడుగుతూ లోపలికి వచ్చాడు. ఆకస్మాత్తుగా చంటి పాపను పట్టుకున్నాడు. అతని వద్ద ఉన్న తుపాకిని చూపించి గృహిణిని బెదిరించి మెడలోని మంగళసూత్రం దోచుకుని వెళ్లాడు. వెంటనే తేరుకుని స్థానికుల సాయంతో పోలీసులకు సమాచారం అందించారు.
ఘటనా స్థలానికి చేరుకున్న పోలీసులు దర్యాప్తు ప్రారంభించారు. పరిసర ప్రాంతాల్లోని సీసీ కెమెరాల దృశ్యాలను పరిశీలిస్తున్నారు. త్వరలోనే దొంగను పట్టుకుంటామని పోలీసులు చెబుతున్నారు. ప్రజలు అప్రమత్తంగా ఉండాలని.. అపరిచిత వ్యక్తులను ఇంట్లోకి రానివ్వొద్దని విజ్ఞప్తి చేశారు. పెద్ద భవంతుల్లో సీసీ కెమెరాలు ఏర్పాటు చేసుకుంటే భద్రతగా ఉంటుందని సూచిస్తున్నారు.