ట్రాక్టర్​ బోల్తా పడి వ్యక్తి మృతి.. మరొకరికి గాయాలు

కాల్వ కట్టపై ట్రాక్టర్​ బోల్తా పడి డ్రైవర్​ మృతి చెందిన ఘటన నల్గొండ జిల్లాలో జరిగింది. కేసు నమోదు చేసుకున్న పోలీసులు విచారణ జరుపుతున్నారు.

నల్గొండ జిల్లా త్రిపురారం మండలం లచ్య తండాలో పొలం పనులకు వెళ్లి వస్తున్న ట్రాక్టర్​ కాల్వ కట్టపై బోల్తా పడింది. ఈ ప్రమాదంలో డ్రైవర్ పానుగోతు మంగత అక్కడికక్కడే మృతి చెందాడు. అదే ట్రాక్టర్ పై ఉన్న లచ్య తండా సర్పంచ్ పానుగోతు మంగత నాయక్​కు తీవ్ర గాయాలయ్యాయి. అతన్ని వెంటనే మిర్యాలగూడ ఆస్పత్రికి తరలించారు. మృతుడికి భార్య, ఇద్దరు అమ్మాయిలు ఉన్నారు. కేసు నమోదు చేసుకున్న పోలీసులు విచారణ జరుపుతున్నారు.

ఇదీ చదవండి:ఇలా ఆవిరిపడితే ముఖం వెలిగిపోవాల్సిందే!