ఓటుకు నోటు కేసు: కోర్టుకు అనిశా కీలక అంశాల వెల్లడి

ఓటుకు నోటు కేసు నుంచి తనను తొలగించాలని కోరుతూ సెబాస్టియన్​ డిశ్చార్జ్​ పిటిషన్ దాఖలు చేశారు. దానిని కొట్టివేయాలని అనిశా కోర్టులో కౌంటర్​ దాఖలు చేసింది. ఓటుకు నోటు కేసుపై శుక్రవారం విచారణ జరగనుంది.

ఓటుకు నోటు కేసు కుట్రలో సెబాస్టియన్​ ఫోన్​ ద్వారా కీలక వివరాలు బయటపడ్డాయని న్యాయస్థానానికి అవినీతి నిరోధక శాఖ తెలిపింది. ఓటుకు నోటు కేసు నుంచి తనను తొలగించాలని కోరుతూ సెబాస్టియన్​ దాఖలు చేసిన డిశ్చార్జ్​ పిటిషన్​ను కొట్టివేయాలని కోరుతూ... అనిశా కోర్టులో కౌంటర్​ దాఖలు చేసింది.

రేవంత్ రెడ్డితో కలిసి సెబాస్టియన్ కుట్ర పన్నినట్లు స్పష్టమైన ఆధారాలు ఉన్నాయని.. అయితే విచారణ జాప్యం చేసేందుకు నిందితులు ఒకరి తర్వాత మరొకరు పిటిషన్లు దాఖలు చేస్తున్నారని పేర్కొంది. డిశ్చార్జ్ పిటిషన్​ను కొట్టివేసి అభియోగాల నమోదుపై విచారణ ప్రారంభించాలని కోరింది. ఓటుకు నోటు కేసుపై శుక్రవారం విచారణ జరగనుంది.

• ఇవీ చూడండి:ప్రభుత్వ అధికారిపై జిల్లా పార్టీ అధ్యక్షుడి దాడి