లొంగిపోయిన మావోయిస్టు దళ సభ్యుడు

మావోయిస్టు దళ సభ్యుడు ఎదుల్లా రామ్మూర్తి ఇల్లందు డీఎస్పీ రవీందర్​ రెడ్డి సమక్షంలో లొంగిపోయాడు. 2019 నవంబర్ నుంచి మావోయిస్టు సిద్ధాంతాల పట్ల ఆకర్షితుడై పార్టీలో చేరాడని డీఎస్పీ తెలిపారు. అనారోగ్యం కారణంగా లొంగిపోయాడని వెల్లడించారు.

భద్రాద్రి కొత్తగూడెం జిల్లా టేకులపల్లి పోలీస్ స్టేషన్​లో ఇల్లందు, నర్సంపేట, గుండాల ఏరియా కమిటీ దళ సభ్యుడు ఎదుల్లా రామ్మూర్తి అలియాస్​ అఖిలేశ్​ అలియాస్​ అగ్ని.. లొంగిపోయాడు. 2019 నవంబర్ నుంచి మావోయిస్టు సిద్ధాంతాల పట్ల ఆకర్షితుడై పార్టీలో చేరి కొంతకాలం ఆజాద్ వద్ద పని చేశాడని డీఎస్పీ రవీందర్​ రెడ్డి తెలిపారు. తర్వాత గుండాల నర్సంపేట దళ సభ్యుడిగా సాగుతూ వస్తూ అనారోగ్యం కారణంగా లొంగిపోయాడని వెల్లడించారు.

మావోయిస్టు సభ్యులకు పోలీసులు ఈ సందర్భంగా జనజీవన స్రవంతిలో కలవాలని.. బూజుపట్టిన సిద్ధాంతాలను మానుకొని అభివృద్ధి దిశలో పయనించేలాని కోరారు. పోలీస్ స్టేషన్​లు, జిల్లా ఎస్పీ సమక్షంలో గాని లొంగిపోవాలని విజ్ఞప్తి చేశారు. లొంగిపోయిన వారికి ప్రభుత్వ పరంగా ఆర్థిక సహాయం అందించేందుకు పోలీసులు సహకరిస్తారని స్పష్టం చేశారు.

ఇదీ చదవండి:మావోయిస్టుల ఆగడాలకు కళ్లెం వేసేందుకు పటిష్ఠ చర్యలు