సార్....నేను ఏ తప్పు చేయలేదు: ఆత్మహత్యకు ముందు డ్రైవర్​ ఆవేదన

ఏపీలోని నంద్యాలకు చెందిన ఓ కుటుంబం రైలు కిందపడి ఆత్మహత్య చేసుకున్న ఘటనపై విచారణ జరపాలని పలువురు డిమాండ్ చేస్తూ... పలువురు ఆందోళన చేపట్టారు. వారు ఆత్మహత్యకు ముందు మాట్లాడిన సెల్పీ వీడియో లభించింది. ఈ వీడియోలో తాను ఏ తప్పు చేయలేదని మృతుడు పేర్కొన్నాడు.

ఏపీలోని కర్నూలు జిల్లా నంద్యాలకు చెందిన అబ్దుల్ సలాం అనే వ్యక్తి భార్య, ఇద్దరు పిల్లలతో సహా పాణ్యం మండలం కౌలూరు సమీపంలో రైలు కింద పడి ఆత్మహత్య చేసుకున్నారు. ఈ సంఘటనపై విచారణ జరపాలని పలువురు డిమాండ్ చేస్తూ ఆందోళన చేపట్టారు. పోలీసుల వేధింపులు భరించలేక సలాం కుటుంబం ఆత్మహత్య పాల్పడిందని వారు పేర్కొన్నారు.

వారు ఆత్మహత్యకు ముందు మాట్లాడిన వీడియో లభించింది. తాను ఎలాంటి దొంగతనం చేయలేదని అబ్దుల్ సలాం వీడియోలో చెప్పాడు. సలాం నడిపే ఆటోలో ఓ ప్రయాణికుడికి చెందిన 70వేల రూపాయలు పోయాయి. ఈ సంఘటన పై పోలీసులు స్టేషనుకు తరచూ రమ్మని వేధించారని సలాం వీడియోలో ఆవేదన వ్యక్తం చేశారు.

ఇదీ చదవండి:సైకో తండ్రి... ఇద్దరు కుమార్తెల గొంతు కోసి చంపేందుకు యత్నం