గచ్చిబౌలి షా గౌస్​ హోటల్​లో​ అగ్ని ప్రమాదం

గచ్చిబౌలి షా గౌస్​ హోటల్​లోని కిచెన్​లో షార్ట్​ సర్క్యూట్​ కారణంగా అగ్ని ప్రమాదం చోటు చేసుకుంది. సకాలంలో అగ్నిమాపక సిబ్బంది మంటలార్పారు. అందరూ ఊపిరి పీల్చుకున్నారు.

హైదరాబాద్​ గచ్చిబౌలిలోని షా గౌస్ హోటల్​లో అగ్నిప్రమాదం సంభవించింది. హోటల్​లోని వంటశాలలో షార్ట్ సర్క్యూట్ కారణంగా మంటలు చెలరేగాయి. సమాచారం అందుకున్న మాదాపూర్ అగ్నిమాపక సిబ్బంది సంఘటన స్థలానికి చేరుకొని మంటలను అదుపులోకి తెచ్చారు. సకాలంలో అగ్ని మాపక సిబ్బంది సంఘటన స్థలానికి చేరుకోవడం వల్ల ఎటువంటి ప్రాణనష్టం జరగలేదు. హోటల్​కి ఫైర్ సేఫ్టీ ఉందా లేదా అన్న కోణంలో పోలీసులు దర్యాప్తు చేస్తున్నారు.

ఇది వరకు కూడా కొత్తగూడలోని షా గౌస్ హోటల్​లో అగ్నిప్రమాదం జరిగి 11 మంది గాయపడ్డారు. ఇలా తరచు షా గౌస్ హోటళ్లలో అగ్నిప్రమాదాలు జరుగుతున్న తీరు సిబ్బందితో పాటు కస్టమర్లను తీవ్ర ఆందోళనకు గురి చేస్తోంది.

ఇవీ చూడండి: గుండెనొప్పితో వైద్యశాఖ ఉద్యోగి మృతి