లారీలో అక్రమంగా తరలిస్తోన్న రేషన్​ బియ్యం పట్టివేత

లారీలో అక్రమంగా తరలిస్తోన్న సుమారు 3 వందల క్వింటాళ్ల రేషన్​ బియ్యాన్ని పోలీసులు పట్టుకున్నారు. లారీని సీజ్​ చేసి.. నిందితుడిపై కేసు నమోదు చేశారు.

నల్గొండ జిల్లా దామరచర్ల మండలం కల్లెపల్లి వద్ద లారీలో అక్రమంగా తరలిస్తున్న రేషన్​ బియ్యాన్ని వాడపల్లి పోలీసులు పట్టుకున్నారు. సుమారు 3 వందల క్వింటాళ్ల రేషన్​ బియ్యాన్ని స్వాధీనం చేసుకున్నారు.

బొమ్మల రామారం మండలం కల్లకుంట తండాకు చెందిన తేజావత్​ రవి లారీలో సుమారు 3 వందల క్వింటాళ్ల బియ్యాన్ని తరలిస్తుండగా.. కల్లెపల్లి గ్రామ శివారులో పోలీసులు పట్టుకున్నారు. లారీని సీజ్​ చేసి.. నిందితుడిపై కేసు నమోదు చేశారు.

మరోవైపు పౌర సరఫరాల శాఖ అధికారులు ఎన్ని చర్యలు తీసుకున్నా.. రేషన్​ బియ్యం పక్కదారి పడుతూనే ఉంది. పీడీఎస్ బియ్యం అక్రమ వ్యాపారం చేసే వారిపై పోలీసులు పీడీ యాక్ట్ నమోదు చేస్తున్నా, అక్రమార్కులు వివిధ మార్గాల్లో తమ వ్యాపారాన్ని కొనసాగిస్తున్నారు.