ఆటోలో అక్రమంగా తరలిస్తున్న కలప పట్టివేత

ఆటోలో అక్రమంగా తరలిస్తున్న కలపను అధికారులు మాటు వేసి పట్టుకున్నారు. వాటి విలువ 30 వేలకు పైగా ఉంటుందని వెల్లడించారు. ఓ వ్యక్తిని అదుపులోకి తీసుకుని కేసు నమోదు చేసినట్లు అధికారులు వెల్లడించారు.

అక్రమంగా కలప తరలిస్తే కఠిన చర్యలు తీసుకుంటామని ఫ్లయింగ్ స్క్వాడ్ రేంజ్ అధికారి అప్పలకొండ తెలిపారు. తోయగూడెం నుంచి ఆసిఫాబాద్​కు అక్రమంగా కలప తరలిస్తున్న ఆటోను అడదస్నాపూర్ వద్ద స్క్వాడ్ సిబ్బంది పట్టుకున్నారు.

12 కలప దుంగలు లభించాయని వాటి విలువ 30 వేలకుపైగా ఉంటుందని అధికారులు వెల్లడించారు. వావుదాంకు చెందిన మడావి సురేష్​ను అదుపులోకి తీసుకుని కేసు నమోదు చేసినట్లు పేర్కొన్నారు. కలప పట్టుకోవడంలో చాకచక్యం చూపిన ఫ్లయింగ్ స్క్వాడ్ సెక్షన్ అధికారి సాయి చరణ్, బీట్ అధికారి శ్రీనివాస్​లను ఎఫ్​ఆర్​ఓ అభినందించారు.

ఇదీ చూడండి :పనిలో వేధింపులు.. సీనియర్​ను చంపిన జూనియర్.!