ఎస్‌ఆర్ నగర్ సీఐపై ఎస్సీ, ఎస్టీ కేసు నమోదు

ఎస్‌ఆర్ నగర్ సీఐ కె.సైదులుపై ఎస్‌ఆర్ నగర్ పోలీస్ స్టేషన్‌లోనే ఎస్సీ, ఎస్టీ కేసు నమోదు అయింది. స్టేషన్‌కు పిలిపించి కులం పేరుతో దూషించాడని నీలం భార్గవ్ తల్లి హేమావతి ఫిర్యాదు చేశారు.

హైదరాబాద్ ఎస్‌ఆర్ నగర్ ఇన్స్‌పెక్టర్ కె.సైదులుపై ఎస్‌ఆర్ నగర్ పోలీస్ స్టేషన్‌లోనే ఎస్సీ, ఎస్టీ కేసు నమోదు అయింది. కొద్ది రోజుల క్రితం బోరబండ ఇందిరా నగర్‌లోని ఆంజనేయస్వామి దేవాలయ విగ్రహం తొలగింపు కార్యక్రమం జరిగింది. ఆ విషయంలో నీలం భార్గవ్ అనే వ్యక్తిని స్టేషన్‌కు పిలిపించి.. అసభ్యకరంగా కులం పేరుతో దూషించాడని నీలం భార్గవ్ తల్లి హేమావతి ఫిర్యాదు చేశారు.

ఈ మేరకు అదే స్టేషన్‌లో సీఐ సైదులుపై ఎస్సీ, ఎస్టీ చట్టం కింద కేసు నమోదు చేశారు. ఈ కేసు దర్యాప్తు అధికారిగా అదే స్టేషన్లో పనిచేసే అజయ్ కుమార్‌ను నియమించారు.

ఇదీ చూడండి:గత నాలుగు రోజుల్లో 203 మంది అదృశ్యం.. కారణాలివేనా?