వివాహిత హత్య కేసులో నిందితుడు అరెస్ట్​

ఫేస్​బుక్​లో పరిచయమైన ఓ వివాహితతో అక్రమ సంబంధం పెట్టుకున్నాడు ఓ జవాను. ఆమెతో సహజీవనం చేసి అనుమానంతో గొంతు నులిమి హత్య చేశాడు. చివరికి పోలీసులకు దొరికిపోయి కటకటాలపాలయ్యాడు.  సంగారెడ్డి జిల్లా రామచంద్రపురంలో జరిగిన ఈ ఘటన కలకలం రేపింది.

మార్చి 27న సంగారెడ్డి జిల్లా రామచంద్రపురంలో జరిగిన వివాహిత హత్య కేసులో నిందితుడిని పోలీసులు అరెస్టు చేశారు. వివాహేతర సంబంధం, ఆర్థిక వ్యవహారాలు, అనుమానంతోనే హత్య చేసినట్లు నిర్ధరించారు. సంగారెడ్డి జిల్లా రామచంద్రపురంకు చెందిన ఓ మహిళ భర్త నుంచి విడిపోయి దూరంగా ఉండేది. సిద్దిపేటకు చెందిన రమేశ్​​తో ఫేస్​బుక్​లో పరిచయం ఏర్పడింది. అదికాస్త వివాహేతర సంబంధానికి దారి తీసింది.

ఆర్థిక వ్యవహారాలే కారణమా..?

మార్చి 27న ప్రియురాలి గొంతునులిమి హత్యచేసి రమేశ్​​ పరారయ్యాడు. నిందితుడిని సోమవారం అదుపులోకి తీసుకుని రిమాండుకు తరలించినట్లు పోలీసులు తెలిపారు.

ఇదీ చదవండి:కరీంనగర్​ అడిడాస్​ షోరూంలో భారీ అగ్నిప్రమాదం