వృద్ధురాలి హత్యకేసు మిస్టరీ... మనువడే నిదింతుడు..

డబ్బు.. మానవతా విలువలను.. బంధాలను, బంధుత్వాలను లేకుండా చేస్తుందనడానికి నిదర్శనంగా సంగారెడ్డి జిల్లా హాట్యాతాండాలో ఓ వృద్ధురాలిని మనుమడే అతి కిరాతంగా చంపేశాాడు. గతేడాది జరిగిన ఈ హత్యకేసు మిస్టరీని ఎట్టకేలకు పోలీసులు ఛేదించారు. ఓ నిందితుడు నిజాన్ని ఒప్పుకుని లొంగిపోగా మరో ఇద్దరు పరారీలో ఉన్నట్లు కంగ్టి సీఐ వెంకటేశ్వరరావు తెలిపారు.

సంగారెడ్డి జిల్లా కంగ్టి మండలంలోని హాట్యాతండాలో గతేడాది జరిగిన వృద్ధురాలి హత్యకేసు మిస్టరీని పోలీసులు ఎట్టకేలకు ఛేదించారు. రైతుబంధు డబ్బుల కోసం నాన్నమ్మను సొంత మనువడే అతి కిరాతకంగా చంపేశాడు. హాట్యా తండాకు చెందిన తులిసి భాయ్​(70) పేరున ఉన్న నాలుగు ఎకరాల వ్యవసాయ భూమి ద్వారా వచ్చే రైతుబంధు డబ్బులు కాజేయాలని ఆమె మనుమడు కిషన్ పథకం వేశాడు. చిన్నాన్న పుండలిక్​తో కలిసి ఆమెను చంపాలనుకున్నాడు. అందుకు ఎల్కారం తండాకు చెందిన లచ్చిరామ్​తో కలిసి గతేడాది అక్టోబర్ 23న పొలంలో ఉన్న ఆమెను వారు రాళ్లతో కొట్టి చంపేశారు.

ఏమి తెలియనట్లు హంతకుడు కిషన్ పోలీస్​స్టేషన్లో ఫిర్యాదు చేశాడు. కేసును నమోదు చేసి దర్యాప్తు ప్రారంభించిన పోలీసులకు పలునిజాలు తెలిశాయి. దీనితో ఫిర్యాదుదారు అయిన కిషన్​ను విచారించగా... నిజం ఒప్పుకుని లొంగిపోయాడు. కాగా మిగతా ఇద్దరు పరారీలో ఉన్నారని కంగ్టి సీఐ వెంకటేశ్వరరావు తెలిపారు.

ఇదీ చూడండి:విషాదం... పాతబస్తీలో రెండు ఇళ్లు కూలి 8 మంది మృతి