ఆటోను ఢీకొన్న ఆర్టీసీ బస్సు... ఇద్దరికి గాయాలు..

ఓ ఆర్టీసీ బస్సు ఎదురుగా వస్తున్న ఆటోను ఢీకొన్న ఘటన వరంగల్​ అర్బన్​ జిల్లా కాజీపేట్​లో జరిగింది. ఈ ప్రమాదంలో ఆటో డ్రైవర్​తో పాటు మరో వ్యక్తికి గాయాలయ్యాయి. క్షతగాత్రులిద్దరిని చికిత్స కోసం ఆసుపత్రికి తరలించారు.

వరంగల్ అర్బన్ జిల్లా కాజీపేట్ ఫాతిమా బ్రిడ్జిపై రోడ్డు ప్రమాదం చోటు చేసుకుంది. హన్మకొండ నుంచి కాజీపేట్ వైపు వస్తున్న ఆటోను ఎదురుగా వస్తున్న ఆర్టీసీ బస్సు ఢీకొంది. ఈ ఘటనలో ఆటో డ్రైవర్​తో పాటు మరో వ్యక్తికి గాయాలయ్యాయి. రోడ్డు ప్రమాదం కారణంగా బ్రిడ్జికి ఇరువైపులా వాహనాల రాకపోకలకు ఇబ్బంది ఏర్పడింది.

ఘటనా స్థలానికి చేరుకున్న పోలీసులు... ఆటో, బస్సును పక్కకు తొలగించి ట్రాఫిక్​ని క్రమబద్ధీకరించారు. ఆటో డ్రైవర్ కాజీపేట్ బాపూజినగర్​కి చెందిన వ్యక్తి కాగా... వెనక కూర్చున్న ప్రయాణికుడిని నష్కల్​కు చెందిన వ్యక్తిగా గుర్తించారు. చికిత్స కోసం క్షతగాత్రులని ఆసుపత్రికి తరలించారు.

ఇవీచూడండి:ఐఐటీ విద్యార్థినికి మంత్రి కేటీఆర్ చేయూత