మెడికల్ షాప్ వద్ద రౌడీ షీటర్ హల్​చల్

రంగారెడ్డి జిల్లా రాజేంద్రనగర్ పీఎస్ పరిధి హైదర్​గూడలోని డిస్కౌంట్ మెడికల్ షాప్ వద్ద ఓ రౌడీ షీటర్ హల్​చల్ చేశాడు. ఈ ఘటనలో ఇద్దరు యువకులకు గాయాలయ్యాయి.

రంగారెడ్డి జిల్లా రాజేంద్రనగర్ పీఎస్ పరిధి హైదర్​గూడలోని డిస్కౌంట్ మెడికల్ షాప్ వద్ద ఓ రౌడీ షీటర్ హల్​చల్ చేశాడు. మందులు కొనడానికి వెళ్లిన రౌడీషీటర్ భరత్ యాదవ్... అతని కంటే ముందున్న ఇద్దరు యువకులపై దాడికి దిగాడు.

ఈ ఘటనలో బుద్వేల్​కు చెందిన రాకేశ్​, రాజేశ్​కు గాయాలయ్యాయి. ఇద్దరిని ఆసుపత్రికి తరలించారు. పూలకుండీలు, మెడికల్ షాప్ అద్దాలు ధ్వంసమయ్యాయి. భరత్ యాదవ్ చేతులకు గాయాలయ్యాయి. బాధితుల ఫిర్యాదు మేరకు కేసు నమోదు చేసుకొని... నిందితుడని పోలీసులు అరెస్ట్ చేశారు.