ట్రాక్టర్​ను ఢీ కొన్న ద్విచక్రవాహనం.. ఒకరు మృతి

ఆగి ఉన్న ట్రాక్టర్​ను వెనుక భాగం నుంచి ద్విచక్ర వాహనం ఢీ కొట్టి వాహనదారు అక్కడికక్కడే మృతి చెందాడు. ఈ ఘటన సూర్యాపేట-జనగామ జాతీయ రహదారిపై చోటుచేసుకుంది.

సూర్యాపేట-జనగామ జాతీయ రహదారి రోడ్డుప్రమాదం జరిగింది. నాగారం శాంతినగర్​కు చెందిన షేక్ సైదులు ద్విచక్రవాహనంపై అర్వపల్లికి వెళ్లి వస్తున్న క్రమంలో ప్రగతినగర్ వద్ద కట్టెల లోడుతో ఆగిఉన్న ట్రాక్టర్​ వెనుక భాగం ఢీకొన్నాడు. ప్రమాదంలో ఛాతికి బలమైన దెబ్బతగిలి సైదులు అక్కడికక్కడే మృతి చెందాడు.

ఘటనాస్థలానికి చేరుకున్న పోలీసులు మృతదేహానికి శవపరీక్ష నిమిత్తం తుంగతుర్తి ఏరియా ఆసుపత్రికి తరలించారు. సైదులు కుటుంబీకులు ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై పి.హరికృష్ణ తెలిపారు.

ఇదీ చూడండి:ఆలయంలోకి దూసుకెళ్లిన లారీ.. తప్పిన ప్రమాదం!