విషాదం: ట్రాక్టర్​ నాగలి ఢీకొని యువకుడి మృతి

సూర్యాపేట జిల్లాలో ప్రమాదం చోటుచేసుకుంది. వేగంగా వస్తున్న ట్రాక్టర్​ను ద్విచక్రవాహనం ఢీకొట్టింది. ఈ ఘటనలో ట్రాక్టర్​కు ఉన్న నాగలి... ద్విచక్రవాహనదారుడికి తగిలి.. అక్కడిక్కడే మృతి చెందాడు. కేసు నమోదు చేసుకున్న పోలీసులు దర్యాప్తు చేస్తున్నారు.

సూర్యాపేట జిల్లా మోతె మండలం కూడలి గ్రామంలో ప్రమాదం చోటుచేసుకుంది. ద్విచక్రవాహనంపై వెళ్తున్న బండ్ల సంతోష్(27) అనే యువకుడు ఎదురుగా వస్తున్న ట్రాక్టర్​కు ఉన్న ఇనుప నాగలి ఢీకొని అక్కడికక్కడే మృతిచెందాడు.

ఖమ్మం పట్టణానికి చెందిన బండ్ల సంతోష్ సూర్యాపేట జిల్లా ఆత్మకూరు(ఎస్) బంధువుల ఇంటికి వెళ్తుండగా ఘటన జరిగింది. ప్రమాదకరంగా ట్రాక్టర్​పై ఇనుప నాగలి తగిలించుకుని అతివేగంగా ట్రాక్టర్​ను నడపడం వల్ల ఈ ప్రమాదం చోటుచేసుకుందని.. సంతోష్ బంధువులు ఆరోపిస్తున్నారు. నాగలి ఉన్న ఇనుప చువ్వలు గొంతులో దిగుబడి ప్రాణాలు కోల్పోయాడు. కేసు నమోదు చేసుకున్న పోలీసులు... దర్యాప్తు చేస్తున్నారు.

ఇవీ చూడండి:గ్రేటర్‌లో కాస్త ఊరట... తాజాగా 273 మందికి వైరస్