ముత్తంగిలో రోడ్డు ప్రమాదం.. అతివేగంతో టిప్పర్​ను ఢీకొని ఇద్దరి మృతి..

రోడ్డు ప్రమాదంలో ఇద్దరు మృతి చెందిన ఘటన సంగారెడ్డి జిల్లా పటాన్‌చెరు మండలం ముత్తంగిలో జరిగింది. కేసు నమోదు చేసుకున్న పోలీసులు విచారణ చేపట్టారు.

సంగారెడ్డి జిల్లా పటాన్​చెరు మండలం ముత్తంగి జాతీయ రహదారిపై పిస్తా హౌస్ సమీపంలో ప్రమాదం జరిగింది. యూ టర్న్​ తీసుకుంటున్న లారీని ద్విచక్ర వాహనదారుడు వేగంగా వచ్చి ఢీ కొట్టారు. ఈ ప్రమాదంలో బైక్​పై ఉన్న ఇద్దరు అక్కడికక్కడే మృతి చెందారు. వీరిద్దరూ పటాన్​చెరు మండలం రుద్రారం గ్రామానికి చెందిన రాజు, ఆంజనేయులుగా గుర్తించారు.

అయితే తొలుత పోలీసులు ప్రమాదం ఎలా జరిగిందనే దానిపై సందిగ్ధంలో ఉన్నప్పటికీ సీసీ ఫుటేజ్​లో ద్విచక్ర వాహనదారుడు లారీని ఢీ కొట్టినట్టుగా సీసీ కెమెరాలో రికార్డయింది. మృతదేహాలను పటాన్​చెరు ప్రభుత్వాస్పత్రికి తరలించారు. కేసు నమోదు చేసుకున్న పోలీసులు దర్యాప్తు చేస్తున్నారు.

ఇదీ చదవండి:గచ్చిబౌలిలో రోడ్డు ప్రమాదం.. ఐదుగురు దుర్మరణం..