సిగ్నల్​ జంప్​ చేసి బైక్​ని కారు ఢీ.. ఒకరు మృతి

ట్రాఫిక్​ నియమాలను ఉల్లంఘించడమే కాకుండా మద్యం మత్తులో బైక్​ని ఢీ కొని ఒకరి మృతికి కారణమైన వ్యక్తిని పోలీసులు అదుపులోకి తీసుకున్నారు. ఆలస్యంగా వెలుగులోకి వచ్చిన ఈ ఘటన మాదాపూర్​ సైబర్​ టవర్​ చౌరస్తాలో బుధవారం అర్ధరాత్రి చోటు చేసుకుంది.

ట్రాఫిక్​ నియమాలను ఉల్లంఘించి మద్యం మత్తులో కారును నడుపుతూ ద్విచక్ర వాహనాన్ని ఢీ కొట్టిన ఘటనలో ఒకరు మృతి చెందారు. మాదాపూర్​ హైటెక్​సిటీ చౌరస్తాలో బుధవారం అర్ధరాత్రి జరిగిన ఈ ప్రమాదంలో నిందితుడిని పోలీసులు అదుపులోకి తీసుకున్నారు.

సిగ్నల్​ జంప్​ చేసి కారుని నడుపుతున్న కాశీ విశ్వనాథ్​ అనే వ్యక్తి, బైక్​పై మాదాపూర్​ నుంచి కొండాపూర్​ వైపుకి వెళ్తున్న భార్యాభర్తలు గౌతమ్​దేవ్​(33), శ్వేతని ఢీ కొన్నాడు. ఈ ఘటనలో గౌతమ్​ దేవ్​ అక్కడికక్కడే మృతి చెందాడు. గాయాల పాలైన శ్వేతని స్థానిక ప్రైవేట్​ ఆస్పత్రికి తరలించారు.

నిందితుడు మద్యం మత్తులో కారుని నడిపినట్లుగా పోలీసులు తెలిపారు. కారులో ఉన్న మరో వ్యక్తి పరారీలో ఉన్నట్లు పేర్కొన్నారు. కేసు నమోదు చేసుకొని దర్యాప్తు చేస్తున్నారు.

ఇదీ చదవండి:తుమ్మల ఇంటికి వెళ్లిన మంత్రులు..