రోడ్డు ప్రమాదంలో ఓ యువకునికి గాయాలు

ఓ రోడ్డు ప్రమాదంలో ఓ యువకునికి గాయాలయ్యాయి. బొలెరో వాహనం వేగంగా వెనక నుంచి యువకుడిని ఢీ కొట్టింది. స్థానికులు ఆగ్రహించి డ్రైవర్​ను చితకబాదారు.

హైదరాబాద్​లోని బోయినపల్లి పోలీస్​ స్టేషన్ పరిధిలో రోడ్డు ప్రమాదం జరిగింది. ఓల్డ్ బోయినపల్లిలోని లక్ష్మీ నరసింహ స్వామి కాలనీ వద్ద బొలెరో వాహనం వేగంగా వచ్చి యువకుడిని ఢీ కొట్టింది. ఈ ఘటనలో అవినాష్ అనే వ్యక్తికి తీవ్ర గాయాలయ్యాయి.

యువకుడి చాతిపై నుంచి వాహనం వెళ్లగా.. అతడికి తీవ్ర గాయాలయ్యాయి. స్థానికులు ఆగ్రహంచి డ్రైవర్​ను చితక బాదారు. సమాచారం తెలుసుకుని ఘటనాస్థలికి వచ్చిన అవినాష్ తల్లి కన్నీరుమున్నీరుగా విలపించారు. బాధితుడిని చికిత్స నిమిత్తం ఆస్పత్రికి తరలించారు. పోలీసులు ప్రమాదం జరిగిన చోటుకు చేరుకుని డ్రైవర్​ను పోలీస్​ స్టేషన్​కు తరలించారు. కేసు నమోదు చేసి దర్యాప్తు ప్రారంభించారు.

ఇదీ చూడండి:వర్డ్​ వార్: మందేసి బస్సెక్కిన హోంగార్డు.. మధ్యలో దిగమన్న కండక్టర్