ద్విచక్రవాహనదారుడి తొందరపాటు ఇద్దరి ప్రాణాల మీదికి తెచ్చింది. మంచిర్యాలలోని బెల్లంపల్లి చౌరస్తా వద్ద ఓ లారీని బైక్‌ ఢీకొనగా... మహిళ తీవ్రంగా గాయపడింది. లారీకి ముందు నుంచి కుడివైపునకు ద్విచక్రవాహనదారుడు కదులుతున్న క్రమంలో ఈ ప్రమాదం జరిగింది.
బైకును డ్రైవర్ గమనించకపోవటం... అదే సమయంలో సిగ్నల్ పడటం వల్ల లారీని డ్రైవర్... ముందుకు పోనిచ్చాడు. ఈ క్రమంలో ద్విచక్రవాహనం కిందపడిపోగా.... మహిళ కాళ్లపై నుంచి లారీ దూసుకెళ్లింది. తీవ్రంగా గాయపడిన మహిళను హుటాహుటిన ఆస్పత్రికి తరలించారు. ట్రాఫిక్ సిగ్నల్ పడిన సమయంలో తొందరగా వెళ్లాలని కొందరు వాహనదారులు నిర్లక్ష్యంగా నడిపి ప్రాణాల మీదికి తెచ్చుకుంటున్నారు.