కాంట్రాక్ట్​ డాక్టర్​పై అత్యాచారం కేసు నమోదు

భద్రాద్రి కొత్తగూడెం జిల్లా భద్రాచలం పట్టణ పోలీస్​ స్టేషన్​లో అత్యాచారం కేసు నమోదు అయింది. ప్రభుత్వ ఆస్పత్రిలో స్టాఫ్ నర్సుగా పనిచేస్తున్న ఓ మహిళ.. అక్కడే పనిచేస్తున్న కాంట్రాక్ట్​ డాక్టర్ అత్యాచారం చేశాడని స్థానిక పీఎస్​లో ఫిర్యాదు చేశారు.​

భద్రాద్రి కొత్తగూడెం జిల్లా భద్రాచలంలోని ప్రభుత్వ ఏరియా ఆస్పత్రిలో ఓ మహిళ స్టాఫ్ నర్సుగా పనిచేస్తున్నారు. అదే ఆస్పత్రిలో కాంట్రాక్ట్​ డాక్టర్​గా పనిచేస్తున్న భానోత్ రెడ్డి చాలా రోజులుగా వేధింపులకు గురి చేస్తున్నాడని పేర్కొన్నారు. ఈనెల 24న రాత్రి ఆమె ఇంటికి వెళ్లి అతడు.. కొట్టి ఆపై అత్యాచారం చేశాడని ఆమె తెలిపారు. ఈ మేరకు తన తల్లిదండ్రుల సాయంతో స్థానిక పోలీస్ స్టేషన్​లో ఫిర్యాదు చేశారు. బాధితురాలి కుటుంబ సభ్యుల ఫిర్యాదు మేరకు అత్యాచారం కేసు నమోదు చేశామని.. దర్యాప్తు అనంతరం నిందితున్ని రిమాండ్​కు తరలిస్తామని పట్టణ సీఐ వినోద్ రెడ్డి తెలిపారు.

ఇవీచూడండి:కారు ఢీకొడితే ఎగిరి బైక్​ కింద పడ్డాడు.. కానీ!