రైల్లో గంజాయి అక్రమ రవాణా.. పట్టుకున్న పోలీసులు..

పోలీసులు ఎన్ని చర్యలు తీసుకున్నా గంజాయి అక్రమ రవాణా మాత్రం ఆగడం లేదు. ఏదో ఒక మార్గంలో గంజాయిని తరలిస్తున్నారు స్మగ్లర్స్​. ఏపీలోని రాజమండ్రి నుంచి దిల్లీకి రైలులో తరలిస్తున్న మత్తు పదార్థాన్ని పెద్దపల్లి జిల్లా రామగుండం రైల్వే పోలీసులు పట్టుకున్నారు.

ఏపీలోని రాజమండ్రి నుంచి దిల్లీకి రైల్లో తరలిస్తున్న గంజాయిని పోలీసులు పట్టుకున్నారు. ఏపీ ఎక్స్​ప్రెస్​లో లగేజీ బ్యాగుల్లో, దుస్తుల మధ్య చిన్నచిన్న ప్యాకెట్లలో గంజాయిని ఉంచి అక్రమ రవాణా చేస్తున్నారు. సమాచారం అందుకున్న పెద్దపల్లి జిల్లా రామగుండం రైల్వే పోలీసులు రామగుండంలో ఏపీ ఎక్స్​ప్రెస్ ఆగిన వెంటనే బోగీలను తనిఖీ చేశారు.

ద్వితీయ శ్రేణి బోగీల్లో జరిపిన సోదాల్లో 6 ప్యాకెట్లలో ఉన్న రూ.1.20 లక్షల విలువైన 12 కిలోల గంజాయి స్వాధీనం చేసుకున్నారు. దిల్లీకి చెందిన యోగేశ్​, బిహార్​కు చెందిన సంజయ్ కుమార్​ను రైల్వే పోలీసులు అదుపులోకి తీసుకున్నారు. తనిఖీల్లో ఆర్పీఎఫ్ ఇన్స్పెక్టర్ ఎస్.పి.పాస్స్వన్, ఎస్ఐ దారా సింగ్ పాల్గొన్నారు.

ఇదీ చదవండి:రాష్ట్రంలో కొత్తగా 2,043 కరోనా కేసులు, 11 మంది మృతి