బాలికను లైంగికంగా వేధిస్తున్న రైల్వే ఏఎస్సై అరెస్ట్​

మైనర్​ బాలికను లైంగికంగా వేధిస్తున్న రైల్వే ఏఎస్సైని మేడ్చల్​ జిల్లా మల్కాజిగిరి పోలీసులు అరెస్ట్​ చేశారు. నిందితుడిపై పోక్సో చట్టం కింద కేసు నమోదు చేసి రిమాండ్‌కు తరలించారు.

మేడ్చల్‌ జిల్లా మల్కాజిగిరిలో... మైనర్‌ బాలికను లైంగిక వేధింపులకు గురి చేస్తున్న రైల్వే ఏఎస్సై లాలూ సెబాస్టియన్‌ను పోలీసులు అరెస్ట్‌ చేశారు. నీలి చిత్రాలు చూపిస్తూ... తమ కూతురిని వేధించాడని బాలిక తల్లిదండ్రులు ఆరోపించారు. ఈ విషయం ఎవరికైనా చెబితే చంపుతానంటూ బెదిరించాడని పోలీసులకు ఫిర్యాదు చేశారు.

ఈ మేరకు దర్యాప్తు చేసిన పోలీసులు... నిందితుడిపై పోక్సో చట్టం కింద కేసు నమోదు చేసి రిమాండ్‌కు తరలించారు. గతంలోనూ లాలూ సెబాస్టియన్‌పై హత్య కేసు నమోదైందని పోలీసులు వెల్లడించారు.

ఇదీ చూడండి:మహిళా పోలీసుల సంఖ్య పెరగాలి: డీఐజీ సుమతి