హుస్నాబాద్​లో నిషేధిత గుట్కా, నాటుసారా పట్టివేత

సిద్దిపేట జిల్లా హుస్నాబాద్​లో అక్రమంగా తరలిస్తోన్న గుట్కా, నాటుసారా ప్యాకెట్లను పోలీసులు స్వాధీనం చేసుకున్నారు. ఇద్దరిపై కేసు నమోదు చేసినట్లు హుస్నాబాద్​ ఎస్​ఐ సుధాకర్​ తెలిపారు.

అక్రమంగా తరలిస్తోన్న గుట్కా, నాటుసారా ప్యాకెట్లను సిద్దిపేట జిల్లా హుస్నాబాద్ పోలీసులు స్వాధీనం చేసుకున్నారు. హుస్నాబాద్​ శివారులో తనిఖీ నిర్వహిస్తుండగా పట్టుబడినట్లు ఎస్​ఐ సుధాకర్ తెలిపారు.

జిల్లెల గడ్డకు చెందిన గంగులోతు శ్రీకాంత్, హుస్నాబాద్​కు చెందిన భూక్య రమేశ్​పై కేసు నమోదు చేసినట్లు ఎస్ఐ​ వెల్లడించారు. ప్రభుత్వం నిషేధించిన గుట్కా, సారా వంటివి ఎవరైనా విక్రయిస్తే కఠిన చర్యలుంటాయని హెచ్చరించారు. ​