చైనా మాంజా పట్టివేత.. ఒకరి అరెస్ట్​

చైనా మాంజా విక్రయిస్తున్న దుకాణాలపై పోలీసులు దాడులు నిర్వహించారు. మంగళహాట్​లో మాంజా బిండలను స్వాధీనం చేసుకున్నారు. ప్రజలెవరూ వీటిని కొనరాదని విన్నవించారు.

సంక్రాంతి సమీపిస్తుండటంతో నిషేధిత చైనా మాంజా విక్రయిస్తున్న దుకాణాలపై పోలీసులు దాడులు నిర్వహించారు. పర్యావరణానికి (పక్షులకు) హాని చేసే 30బిండల మాంజాను హైదరాబాద్​ మంగళహాట్​లో స్వాధీనం చేసుకున్నారు.

పక్షులకు ప్రమాదం..

మంగళహాట్​లో జాలి హనుమాన్ వద్ద సత్యనారాయణ పతంగ్ ఘర్ అనే ఓ దుకాణంపై దాడి నిర్వహించామని ఎస్సై వెంకటేశ్వర్లు తెలిపారు. మాంజా విక్రయిస్తున్న యజమాని​పై కేసు నమోదు చేసినట్లు వెల్లడించారు.

మాంజా వల్ల పక్షులకు ప్రమాదం ఉండడంతో ప్రభుత్వం దీన్ని రద్దు చేసిందని సీఐ రణవీర్ రెడ్డి తెలిపారు. ఎవరూ వీటిని కొనరాదని ప్రజలకు విజ్ఞప్తి చేశారు.

ఇదీ చూడండి:అక్రమంగా గంజాయి తరలిస్తున్న వ్యక్తి అరెస్ట్