తాళం వేసిన ఇళ్లలో చోరీలు.. ఇద్దరు దొంగల అరెస్ట్

రాత్రివేళల్లో తాళం వేసి ఉన్న ఇళ్లే లక్ష్యంగా.. చోరీలకు పాల్పడుతున్న ఇద్దరు అంతర్రాష్ట్ర దొంగలని హయత్​నగర్ పోలీసులు అరెస్టు చేశారు. నిందితుల నుంచి భారీగా బంగారు, వెండి ఆభరణాలు స్వాధీనం చేసుకున్నారు.

రంగారెడ్డి జిల్లా హయత్​నగర్​లో చోరీలకు పాల్పడుతున్న ఇద్దరు అంతర్రాష్ట్ర దొంగలని పోలీసులు అరెస్ట్ చేశారు. నిందితుల నుంచి సుమారు రూ. 8.3లక్షల విలువైన 11తులాల బంగారు, 128తులాల వెండి ఆభరణాలతో పాటు రెండు ఎల్​ఈడీ టీవీలు, ఓ ద్విచక్ర వాహనం, రూ.23వేల నగదు స్వాధీనం చేసుకున్నట్లు ఎల్బీనగర్ డీసీపీ సన్​ ప్రీత్​ సింగ్ తెలిపారు.

నిందితులు షేక్ రఫీ, నవీన్​లు.. తాళాలు వేసి ఉన్న ఇళ్లే లక్ష్యంగా చేసుకొని ఈ దొంగతనాలకు పాల్పడిన్నట్లుగా పోలీసులు తెలిపారు. నిందితులపై ఒక్క రాచకొండ కమిషనరేట్ పరిధిలోనే 10చోరీ కేసులు ఉన్నట్లు పేర్కొన్నారు. కాలనీలలో ఎవరైనా అనుమానస్పందంగా కనిపిస్తే.. పోలీసులకు సమాచారం ఇవ్వాలని డీసీపీ సూచించారు.

ఇదీ చదవండి:తాళాలు పగలగొట్టి .. బాధ్యతలు అప్పజెప్పారు