వాట్సాప్ స్టేటస్ ఓ మహిళా దొంగను పట్టించింది. ఏపీలోని గుంటూరు జిల్లా తాడేపల్లిలో అసిస్టెంట్‌ ప్రొఫెసర్‌ కత్తి అమోగ్‌ ఉంటున్నారు. ఆయన ఈ ఏడాది జూన్‌లో కుటుంబ సభ్యులతో కలిసి కర్ణాటకలోని తల్లిదండ్రుల వద్దకు వెళ్లారు. అక్టోబరు 29న తిరిగి వచ్చేసరికి ఇంట్లో ఉంచిన 45 గ్రాముల బంగారు నగలు, చీరలు చోరీకి గురైనట్లు గుర్తించారు. పోలీసులకు ఫిర్యాదు చేయగా దర్యాప్తు ప్రారంభించారు.
చీర కట్టింది.. స్టేటస్ పెట్టింది.. సెల్లో కూర్చుంది..! - వాట్సాప్ స్టేటస్‌ద్వారా మహిళా దొంగ అరెస్ట్
వాట్సాప్ స్టేటస్ ఓ మహిళా దొంగను పట్టించింది. చోరీ చేసిన చీరను కట్టుకుని తన స్టేటస్‌లో పెట్టడంతో బాధితులు గుర్తించి పోలీసులకు సమాచారం ఇచ్చారు. దీంతో ఆమె కటకటాల పాలైంది. ఈ సంఘటన ఏపీలోని గుంటూరు జిల్లా తాడేపల్లి పట్టణంలో చోటుచేసుకుంది.
దొంగను పట్టించిన వాట్సాప్ స్టేటస్
ఈ క్రమంలో తమ అపార్టుమెంట్‌లో గతంలో పనిచేసిన ఓ మహిళ తమ ఇంటిలో చోరీ అయిన చీరను ధరించి సెల్‌ఫోన్‌ వాట్సాప్ స్టేటస్ పెట్టింది. ఈ విషయాన్ని అమోగ్‌ పోలీసులకు చేరవేశారు. విచారణ చేపట్టిన పోలీసులు తూర్పుగోదావరి జిల్లా అమలాపురం మండలం చామర్తపూడికి చెందిన సామన సునీతను అదుపులో తీసుకున్నారు. ఆమె నుంచి 45 గ్రాముల బంగారు ఆభరణాలను స్వాధీనం చేసుకున్నారు. వీటి విలువ రూ.1.80 లక్షలు ఉంటుందని తెలిపారు. నిందితురాలు చోరీని అంగీకరించినట్లు సీఐ తెలిపారు.
ఇదీ చదవండి:ఆన్‌లైన్‌ యమపాశాలుగా మారిన రుణ యాప్లు