అక్రమ రవాణాకు సిద్ధంగా ఉంచిన 500 క్వింటాళ్ల బియ్యం స్వాధీనం

గుట్టుచప్పుడు కాకుండా రేషన్​ బియ్యం దందాను కొనసాగిస్తున్న మిల్లుుపై పోలీసులు తనిఖీ చేపట్టి దాదాపు 500 క్వింటాళ్ల బియ్యాన్ని పట్టుకున్న ఘటన వరంగల్​ అర్బన్​ జిల్లా కమలాపూర్​ మండల కేంద్రంలో జరిగింది. వీటితో పాటు రెండు లారీలు, ఓ ఆటో ట్రాలీను పోలీసులు పట్టుకున్నారు.

వరంగల్​ అర్బన్​ జిల్లా కమలాపూర్​ మండల కేంద్రంలో గుట్టుచప్పుడు కాకుండా రేషన్​ బియ్యం దందాను కొనసాగిస్తున్నారు. ఈ విషయంపై పక్కా సమాచారం అందుకున్న పోలీసులు తనిఖీలు నిర్వహించారు. సీఐ రవిరాజు ఆధ్వర్యంలో చేపట్టిన ఈ సోదాల్లో ట్రేడర్స్​ బియ్యంతో పాటు రేషన్​ బియ్యాన్ని రీసైక్లింగ్​ చేస్తున్నట్లు గుర్తించారు.

చుట్టుపక్కల గ్రామాల నుంచి రేషన్​ బియ్యాన్ని సేకరిస్తున్నట్లు పోలీసులు గుర్తించారు. గ్రామీణుల వద్ద తక్కువ ధరకు సేకరించి రీసైక్లింగ్​ తర్వాత ఇతర ప్రాంతాలకు తరలించి ఎక్కువ ధరకు విక్రయిస్తారన్నారు. బియ్యాన్ని రవాణా చేసేందుకు సిద్ధంగా ఉంచిన రెండు లారీలు, ఒక ట్రాలీ ఆటోను పోలీసులు పట్టుకున్నారు. వీటితో పాటు 500 క్వింటాళ్ల రేషన్​ బియ్యాన్ని స్వాధీనం చేసుకున్నారు. ఈ ఘటన వెనుక ఎవరెవరు ఉన్నారనేది విచారిస్తున్నామని.. నిందితులపైన కఠిన చర్యలు తీసుకుంటామన్నారు.

ఇదీ చదవండిఃజిల్లావ్యాప్తంగా మద్యం దుకాణాల్లో ఎక్సైజ్​ అధికారుల తనిఖీలు