దొంగ దొరికాడు: పోలీసుల నుంచి తప్పించుకున్నాడు.. కానీ తన్నులు తిన్నాడు!

అతడు బైక్‌ దొంగ.. ఎప్పటిలానే ఓ బైక్‌ దొంగతనం చేశాడు. పోలీసుల నుంచి తప్పించుకున్నాడు... కాని స్థానికుల చేతికి చిక్కి తన్నులు తిన్నాడు.

హైదరాబాద్ బేగంబజార్ పోలీసు స్టేషన్ పరిధిలో ఓ ద్విచక్రవాహనాలు దొంగిలించే వ్యక్తికి స్థానికులు దేహశుద్ధి చేశారు. గాంధీభవన్ పటేల్ నగర్​లో పోలీసులు వాహన సోదాలు చేస్తుండగా... దొంగిలించిన బైక్​తో దొంగ తప్పించుకుని పారిపోయాడు.

గాంధీభవన్ పటేల్ నగర్ బస్తీ స్థానికులు సదరు బైక్‌ దొంగని పట్టుకొని దేహశుద్ధి చేసి బేగంబజార్ పోలీసులకు అప్పగించారు. కేసు నమోదు చేసుకున్న పోలీసులు దొంగని స్టేషన్‌కు తరలించారు.

ఇదీ చూడండి:ఇద్దరు దొంగల అరెస్టు... అందులో ఒకరిపై 64 కేసులు!