ఆన్​లైన్​ రమ్మీ ఆడుతున్న యువకులు అరెస్ట్​

ఆన్​లైన్​లో రమ్మీ ఆడుతున్న ముగ్గురు యువకులను పెద్దపల్లి పోలీసులు పట్టుకున్నారు. పక్కా సమాచారంతో దాడులు నిర్వహించిన పోలీసులకు యువకుల నుంచి ఆరు చరవాణిలు, నగదు దొరికింది. నిందితులపై కేసు నమోదు చేసినట్టు పోలీసులు​ తెలిపారు.

పెద్దపెల్లి జిల్లా కేంద్రంలోని ఓ హోటల్​లో ఆన్​లైన్​లో రమ్మీ ఆడుతున్న ముగ్గురు యువకులను పోలీసులు పట్టుకున్నారు. పట్టణానికి చెందిన సతీశ్​, భూపతి, ప్రభాకర్... అమర్​ నగర్​లోని ఛాయ్ హోటల్​లో ఆన్​లైన్​ రమ్మీ ఆడుతున్నట్టు వచ్చిన సమాచారం మేరకు దాడులు నిర్వహించినట్లు పోలీసులు తెలిపారు.

ముగ్గురు యువకుల వద్ద 6 చరవాణిలు స్వాధీనం చేసుకుని కేసు నమోదు చేసినట్లు పోలీసులు వెల్లడించారు. రాష్ట్రంలో నిషేధించబడిన ఆన్​లైన్​ రమ్మీ గేమ్ ఎవరైనా ఆడితే చట్టపరమైన చర్యలు తీసుకుంటామని ఎస్సై రాజేశ్​ హెచ్చరించారు.

ఇదీ చూడండి:హెచ్చరిక.. రాగల 24 గంటలు అప్రమత్తత అవసరం