సూర్యాపేట జిల్లా నూతన్కల్ మండలం టీక్యా తండాలో దారుణం చోటుచేసుకుంది. ఇంటి నిర్మాణ విషయంలో అన్నదమ్ముల మధ్య జరిగిన ఘర్షణలో తమ్ముడు మరణించారు.
లావుడ్య చంద్రియ, లావుడ్య నంద అన్నదమ్ములు. అన్న చంద్రియ నూతనంగా ఇంటి నిర్మాణం చేస్తున్నాడు. ఈ క్రమంలో ఇంటిపై కప్పు వేసేందుకు ఏర్పాట్లు చేస్తున్న సమయంలో ఇంటి నిర్మాణం తన స్థలంలోకి వస్తోందని నంద అన్న చంద్రియతో గొడవకు దిగాడు.
ఈ క్రమంలో చంద్రియ, అతని కుమారుడు సోమాలీ.. నందపై దాడి చేశారు. ఘటనలో నంద అపస్మారక స్థితికి చేరుకోగా.. చికిత్స నిమిత్తం సూర్యాపేటకు తరలించారు. పరిస్థితి విషమంగా ఉండటం వల్ల హైదరాబాద్కు తరలిస్తుండగా.. మార్గమధ్యలో మృతి చెందాడు.
ఈ విషయంపై మృతుడు నంద భార్య బుజ్జి పోలీసులకు ఫిర్యాదు చేసింది. ఈ మేరకు కేసు నమోదు చేసుకుని దర్యాప్తు చేస్తున్నట్లు ఎస్సై శివకుమార్ తెలిపారు. గ్రామంలో ఎలాంటి అవాంఛనీయ ఘటనలు చోటుచేసుకోకుండా చర్యలు చేపట్టినట్లు వివరించారు.
ఇదీచూడండి: నయీం ప్రధాన అనుచరుడు అరెస్ట్.. రిమాండ్కు తరలింపు