ద్విచక్రవాహనాన్ని ఢీకొట్టిన కారు.. మైనర్​ మృతి

కారు.. ద్విచక్ర వాహనాన్ని ఢీకొట్టింది. ప్రమాదంలో ఓ మైనర్ బాలుడు అక్కడికక్కడే మృతి చెందగా.. మరొకరు తీవ్రంగా గాయపడ్డారు. ఈ ఘటన చైతన్యపురి పోలీస్​స్టేషన్​ పరిధిలో చోటుచేసుకుంది.

హైదరాబాద్ చైతన్యపురి పోలీస్ స్టేషన్ పరిధిలోని కొత్తపేట-నాగోల్ ప్రధాన రహదారిపై రోడ్డుప్రమాదం చోటుచేసుకుంది. నాగోల్​ నుంచి కొత్తపేట వైపు వెళుతోన్న ఓ కారు.. ఎదురుగా వస్తోన్న ద్విచక్ర వాహనాన్ని ఢీకొట్టింది. ఘటనలో బైక్​పై వెళ్తున్న రాఘవేందర్​ అనే ఓ మైనర్ బాలుడు అక్కడికక్కడే మృతి చెందగా.. హేమంత్​ అనే మరో యువకుడు తీవ్రంగా గాయపడ్డాడు.

సమాచారం అందుకున్న పోలీసులు ఘటనా స్థలికి చేరుకున్నారు. కారు డ్రైవర్​ సురేశ్​ బాబును అదుపులోకి తీసుకున్నారు. నిందితుడు ఓ ప్రభుత్వ ఉద్యోగిగా పోలీసులు గుర్తించారు. ఈ మేరకు కేసు నమోదు చేసుకుని దర్యాప్తు చేస్తున్నారు.