రాయినిగూడెంలో విషాదం... నీటిలో గల్లంతైన యువకుడు మృతి

ములుగు జిల్లా రాయినిగూడెం గ్రామంలో విషాదం చోటు చేసుకుంది. నీటిలో గల్లంతైన యువకుడు మృతి చెందాడు. దెబ్బకట్ల రవి అనే యువకుడు పొలం నుంచి ఇంటికి వస్తుండగా నీటిని దాటే క్రమంలో ప్రమాదవశాత్తూ పడిపోయాడు. గాలింపు చర్యలు చేపట్టగా గురువారం ఉదయం మృతదేహం లభ్యమైంది.

ములుగు జిల్లా రాయినిగూడెం గ్రామంలో విషాదం చోటు చేసుకుంది. రాయినిగూడెం గ్రామానికి చెందిన దెబ్బకట్ల రవి పొలం నుంచి బుధవారం సాయంత్రం ఇంటికి తిరిగి వస్తుండగా బుగ్గ ఒర్రె దాటుతున్న క్రమంలో నీట మునిగి గల్లంతయ్యాడు. సమాచారం తెలుసుకున్న గ్రామస్థులు రాత్రి గాలింపు చర్యలు చేపట్టినా ఆచూకీ లేదు.

ప్రాణాలతోనే ఇంటికి తిరిగి వస్తాడని అంతా అనుకున్నారు. కానీ గాలింపు చర్యల్లో మృతదేహం లభించడంతో కుటుంబ సభ్యులు బోరున విలపిస్తున్నారు.

ఇదీ చదవండి:భారీ వర్షానికి జాతీయ రహదారులు అస్తవ్యస్తం