స్కార్పియో వాహనంలో తిరుమలకు వెళుతూ గేదెను ఢీకొన్న ప్రమాదంలో ఒకరు మృతి చెందగా ...ఏడుగురికి తీవ్ర గాయాలయ్యాయి. ఈ సంఘటన కడప జిల్లా నందలూరు మండలం ఆల్విన్ కర్మాగారం సమీపంలో చోటు చేసుకుంది.
వివరాల్లోకి వెళితే..
గేదెను ఢీకొన్న స్కార్పియో... ఒకరు మృతి, ఏడుగురికి గాయాలు - kadapa news
స్కార్పియో వాహనం గేదెను ఢీకొన్న ఘటనలో ఒకరు మృతి చెందగా... ఏడుగురికి తీవ్రగాయాలయిన ఘటన ఆంధ్రప్రదేశ్ కడప జిల్లా నందలూరులో చోటుచేసుకుంది. వారంతా తిరుమలకు వెళ్తుండగా ఈ ప్రమాదం జరిగింది.
kurnool news
ఏపీ కర్నూలు జిల్లా ఆదోని ప్రాంతానికి చెందిన ఎనిమిది మంది స్కార్పియో వాహనంలో తిరుమలకు వెళ్తుండగా.. నందలూరు సమీపంలోని ఆలయం వద్ద తెల్లవారుజామున రోడ్డు దాటుతున్న గేదెను ఢీకొనగా ఈ ప్రమాదం జరిగింది. ఇందులో వీరేష్(20) మృతి చెందగా... కుమార్, విజయ్, కృష్ణ, లక్ష్మీకాంత్ తో పాటు మరో ముగ్గురు గాయపడ్డారు. వీరిలో ఇద్దరి పరిస్థితి విషమంగా ఉండడంతో కడపకు తరలించి... అక్కడినుంచి కర్నూలు ఆసుపత్రికి తీసుకెళ్లారు.
ఈ ప్రమాదంలో వాహనం ఢీకొన్న గేదె కూడా మృతి చెందింది. రోడ్డుకు అడ్డంగా ఉన్న గేదెను తొలగించి నందలూరు పోలీసులు రాకపోకలను పునరుద్ధరించారు. కేసు నమోదు చేసుకొని దర్యాప్తు చేస్తున్నట్లు వారు తెలిపారు.
ఇదీ చదవండి:ప్రేమ పెళ్లికి ఒప్పుకోలేదని.. విద్యార్థిని ఆత్మహత్య