వాసాలమర్రిలో ఆటో-కారు ఢీ.. ఒకరు మృతి

యాదాద్రి భువనగిరి జిల్లా తుర్కపల్లి మండలం వాసాలమర్రి శివారులో రోడ్డు ప్రమాదం చోటుచేసుకుంది. ఆటో, కారు ఢీ కొట్టిన ఘటనలో ఆటో డ్రైవర్ అక్కడికక్కడే మృతి చెందాడు.

యాదాద్రి భువనగిరి జిల్లా తుర్కపల్లి మండలం వాసాలమర్రి శివారులో రోడ్డు ప్రమాదం చోటు చేసుకుంది. భువనగిరి నుంచి గజ్వేల్​కు వెళ్తున్న ఆటోను తుర్కపల్లి నుంచి వస్తోన్న కారు వాసాలమర్రి గ్రామశివారులో కారు ఢీకొట్టింది. ఈ ప్రమాదంలో ఆటో డ్రైవర్ అక్కడికక్కడే మృతి చెందగా.. ఆటోలోని ప్రయాణికులు తీవ్ర గాయాలపాలయ్యారు.

ఘటనాస్థలికి చేరుకున్న పోలీసులు క్షతగాత్రులను, మృతదేహాన్ని భువనగిరి ఏరియా ఆసుపత్రికి తరలించారు. మృతుడు ప్రకాశం జిల్లా విశ్వనాధపురానికి చెందిన వెంకటనారాయణగా గుర్తించారు.

• ఇదీ చదవండి:ఎండమావిగా మారిన 'సత్వర'న్యాయం