చెట్టును ఢీకొట్టిన కారు.. ఒకరు మృతి, నలుగురికి గాయాలు

అతివేగంగా వచ్చిన ఓ కారు చెట్టును ఢీకొట్టిన ఘటన రంగారెడ్డి జిల్లా చేవెళ్ల మండలంలో చోటుచేసుకుంది. ఈ ప్రమాదంలో ఒకరు మృతి చెందగా.. నలుగురు గాయపడ్డారు.

రంగారెడ్డి జిల్లా చేవెళ్ల మండలం హైదరాబాద్​-బీజాపూర్​ రహదారిపై రోడ్డు ప్రమాదం జరిగింది. వేగంగా వచ్చిన ఓ కారు చెట్టును ఢీకొట్టింది. ఈ ఘటనలో షాబాద్ మండలం సీతారాంపూర్​కు చెందిన వంశీగౌడ్ మృతి చెందాడు. మరో నలుగురు తీవ్రంగా గాయపడ్డారు.

క్షతగాత్రులను స్థానికులు చేవెళ్ల ప్రభుత్వాసుపత్రికి తరలించారు. ఘటనాస్థలికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.

• ఇదీ చూడండి :హమ్మయ్య ఎట్టకేలకు చిరుత చిక్కింది... చింత తీరింది