ఓ ఇంట్లో.. రూ. 3లక్షల గుట్కా పొట్లాలు పట్టివేత

నిజామాబాద్​ నగరంలోని ఓ ఇంట్లో పోలీసులు, టాస్క్​ఫోర్స్​ బృందం తనిఖీలు నిర్వహించారు. అక్రమంగా నిల్వ ఉంచిన సుమారు రూ. 3లక్షల విలువైన నిషేధిత గుట్కా ప్యాకెట్లను సీజ్​ చేశారు.

నిజామాబాద్ నగరంలోని టూ టౌన్ పోలీస్​స్టేషన్​ సమీపంలోని ఓ ఇంట్లో పోలీసులు, టాస్క్​ఫోర్స్​ ఇన్​స్పెక్టర్​ షాకేర్​ అలీ సిబ్బంది దాడులు నిర్వహించారు. తనిఖీల్లో సుమారు రూ. మూడు లక్షలు విలువ చేసే గుట్కా, జర్దా పొట్లాలను స్వాధీనం చేసుకున్నారు.

నిందితుడిని అరెస్టు చేసి రిమాండ్​కు తరలించారు. పక్కా సమాచారం మేరకే ఈ సోదాలు నిర్వహించామని షాకేర్​ అలీ తెలిపారు. ఎవరైనా అసాంఘిక కార్యకలాపాలకు పాల్పడితే కఠిన చర్యలు తీసుకుంటామని హెచ్చరించారు.

ఇదీ చూడండి:శంషాబాద్​ విమానాశ్రయంలో 5.7 కేజీల ఎర్రచందనం స్వాధీనం