ఉద్యోగం పేరుతో బంగ్లాదేశ్‌ నుంచి యువతులను రప్పించి హైదరాబాద్‌లోని వ్యభిచార గృహాలకు తరలించిన 12 మందిని జాతీయ దర్యాప్తు సంస్థ (ఎన్ఐఏ) అధికారులు అరెస్టు చేశారు. నిందితుల్లో 9 మంది బంగ్లాదేశీయులున్నారు.
గతేడాది సెప్టెంబర్ 21న పహాడీషరీఫ్ పోలీసు స్టేషన్‌లో మానవ అక్రమ రవాణాపై స్థానిక పోలీసులు కేసు నమోదు చేశారు. జల్పల్లి, బాలాపూర్‌లోని రెండు వ్యభిచార గృహాలపై దాడి చేసి 10 మంది అక్రమ రవాణాదారులను అరెస్ట్ చేశారు. నలుగురు బంగ్లాదేశ్‌ యువతులను రక్షించారు. నకిలీ గుర్తింపు కార్డులు, ఇతర వస్తువులని స్వాధీనం చేసుకున్నారు. అంతర్జాతీయ మానవ అక్రమ రవాణా కావడం వల్ల పోలీసులు కేసును ఎన్ఐఏకు బదిలీ చేశారు.