ఆస్ట్రేలియాలో తెలంగాణ యువతి దుర్మరణం

08:37 January 02

ఆస్ట్రేలియాలో తెలంగాణ యువతి దుర్మరణం

ఆస్ట్రేలియాలో నాగర్‌కర్నూల్ జిల్లా యువతి మృతి చెందింది. వంగూరు మండలం దిండిచింతపల్లికి చెందిన రక్షిత(22)ఆస్ట్రేలియాలోని సిడ్నీలో ద్విచక్రవాహనంపై వెళ్తుండగా రోడ్డు ప్రమాదానికి గురైంది. డిసెంబర్​ 31న ఉదయం స్కూటీపై వెళ్తుండగా ఈ ఘటన చోటుచేసుకుంది. ఆసుపత్రికి తీసుకెళ్లగా వైద్యులు బ్రెయిన్​డెడ్​ అని తెలిపారు. 

రక్షిత ఆస్ట్రేలియాలో ఎంఎస్‌ చదువుతున్నది. యువతి తండ్రి వెంకట్‌రెడ్డి విశ్రాంత ఆర్మీ ఉద్యోగి. తల్లి అనిత. హైదరాబాద్​లోని మీర్​పేటలో నివాసం ఉంటున్నారు. రక్షిత అవయవాలను దానం చేస్తున్నట్లు ఆమె తల్లిదండ్రులు ప్రకటించారు. గత ఏడాది నవంబర్ 19న ఆస్ట్రేలియాలోని సిడ్నీకి వెళ్లిన రక్షిత.. ప్రమాదంలో మృతి చెందడంతో తల్లిదండ్రులు కన్నీరుమున్నీరవుతున్నారు.