యాదాద్రి భువనగిరి జిల్లా మోత్కూరు మండలం దాచారం గ్రామంలో ఈనెల 1వ తేదీన పెళ్లి వేడుకలో గొడవ కారణంగా జరిగిన హత్యను ఛేదించినట్లు డీసీపీ నారాయణ రెడ్డి తెలిపారు. గ్రామానికి చెందిన సూరారం చంద్రయ్య గ్రామంలో కుల పెద్దగా వ్యవహరిస్తున్నారు. అదే గ్రామానికి చెందిన సూరారం వెంకటయ్యను ఎలాగైనా కుల పెద్దగా చేయాలని... వెంకటయ్య కుటుంబసభ్యులు సంవత్సరం నుంచి చంద్రయ్యతో గొడవలు పెట్టుకుంటున్నారు.
కావాలనే గొడవ పెట్టుకుని...
చంద్రయ్యను ఎలాగైనా తప్పించాలని వెంకటయ్య కుటుంబ సభ్యులు పథకం వేశారు. ఈనెల 1న అదే గ్రామానికి చెందిన తాటిపాముల మహేష్ వివాహ విషయంలో... పెళ్లికూతురు బంధువులు మర్యాద సరిగా చేయలేదని చంద్రయ్యతో గొడవపడ్డారు. అనంతరం చంద్రయ్యను ఇంటి లోపలికి తీసుకెళ్లి గొడ్డలితో దాడి చేశారు. అడ్డుకోబోయిన కొడుకు పరశురాములు, కుటుంబ సభ్యులపై సైతం వారు దాడికి దిగారు.