విద్యుదాఘాతంతో వ్యక్తి మృతి

విద్యుదాఘాతంతో ఎలక్ట్రీషియన్ మరణించిన ఘటన సంగారెడ్డి జిల్లా కంగ్టి మండలంలోని తడ్కల్​లో జరిగింది. గ్రామంలో కరెంట్​ కోత ఉన్న దగ్గర మరమ్మతులు చేయడానికి వెళ్లగా.. అప్పుడే విద్యుత్​ సరఫరా జరిగి అక్కడికక్కడే మరణించాడు.

సంగారెడ్డి జిల్లా కంగ్టి మండలంలోని తడ్కల్​ గ్రామంలో విద్యుదాఘాతంతో ఓ వ్యక్తి మరణించాడు. గ్రామానికి చెందిన షేక్​ హమీద్(38) అనే యువకుడు గ్రామంలో విద్యుత్​కు సంబంధించి తాత్కాలికంగా పనులు చేసేవారు. స్థానికుల అవసరాల కోసం స్తంభం ఎక్కి విద్యుత్​ సమస్యలు పరిష్కరించేవాడు.

మంగళవారం ఉదయం గ్రామంలో కరెంట్​ లేని చోట మరమ్మతులు చేయడానికి వెళ్లగా.. ఒక్కసారిగా విద్యుత్​ సరఫరా అంది. హమీద్​ కరెంట్ షాక్​తో అక్కడికక్కడే మరణించాడు. మృతుని కుమారుడు ఇస్మాయిల్​ ఫిర్యాదు మేరకు పోలీసులు కేసు నమోదు చేసుకుని దర్యాప్తు చేస్తున్నారు. విద్యుత్​ శాఖలో పనిచేసే అతని కుటుంబాన్ని ప్రభుత్వం ఆర్థికంగా ఆదుకోవాలని స్థానికులు కోరుతున్నారు.

ఇదీ చదవండిఃచేపలకు వెళ్లి చెరువులో పడి ఇద్దరు మృతి