భార్యాభర్తల మధ్య గొడవ... మనస్తాపానికి గురైన భర్త ఆత్మహత్య

భార్యాభర్తల మధ్య తరచూ గొడవల కారణంగా మనస్తాపానికి గురైన ఓ వ్యక్తి ఉరి వేసుకుని ఆత్మహత్యకు పాల్పడ్డాడు. ఈ విషాద ఘటన బోయిన్​పల్లి పోలీస్ స్టేషన్ పరిధిలో చోటు చేసుకుంది.

హెచ్ఎండీఏలో కాంట్రాక్టు ఉద్యోగిగా పనిచేస్తున్న అరుణ్ కుమార్​... భార్య ప్రమీణ, ఇద్దరు పిల్లలతో సికింద్రాబాద్ బోయిన్​పల్లిలో నివాసముంటున్నాడు. పదేళ్లపాటు సజావుగా సాగినా వారి సంసార జీవితం... గత కొన్ని రోజులుగా ఇరువురి మధ్య మనస్పర్థలు గొడవలకు దారితీశాయి.

ఇదే విషయమై వారిద్దరూ... ఒకరిపై మరోకరు కేసులు పెట్టుకున్నారు. బేగంపేట పోలీస్ స్టేషన్​లో శనివారం జరిగిన కౌన్సెలింగ్​కు హాజరయ్యారు. కౌన్సిలింగ్ అనంతరం ఇంటికి వెళ్లిన అరుణ్ మనస్తాపానికి గురై ఇంట్లో ఫ్యాన్​కు ఉరివేసుకుని ఆత్మహత్యకు పాల్పడ్డాడు. పోస్టుమార్టం నిమిత్తం అతని మృతదేహాన్ని గాంధీ ఆస్పత్రికి తరలించారు. పోలీసులు కేసు నమోదు చేసుకుని దర్యాప్తు ప్రారంభించారు.

ఇదీ చూడండి:అమానవీయ రీతిలో కరోనా మృతుని ఖననం