ఆటోను ఢీ కొట్టిన ఆటో.. వ్యక్తి దుర్మరణం

మహబూబ్​నగర్​ జిల్లా చిన్నచింతకుంట మండలం బండర్​పల్లి సమీపంలో జరిగిన రోడ్డు ప్రమాదంలో ఓ వ్యక్తి మృతి చెందగా... మరో నలుగురికి గాయాలయ్యాయి. క్షతగాత్రులను జిల్లా ప్రభుత్వ ఆసుపత్రికి తరలించారు.

మహబూబ్​నగర్ జిల్లా చిన్నచింతకుంట మండలం బండర్​పల్లి సమీపంలో రోడ్డు ప్రమాదం చోటుచేసుకుంది. ఈ ఘటనలో బండర్​పల్లికి చెందిన రామచంద్రం అక్కడికక్కడే దుర్మరణం చెందగా... మరో నలుగురికి గాయాలయ్యాయి.

దేవరకద్ర నుంచి మరికల్​ వెళ్తున్న ఆటోను వెనుక నుంచి వచ్చిన మరో ఆటో ఢీ కొట్టింది. గాయాలపాలైన సత్యమ్మ, చంద్రకళ, నరసమ్మతో పాటు మూడేళ్ల బాలుడిని జిల్లా కేంద్ర ప్రభుత్వ ఆసుపత్రికి తరలించారు. చిన్నచింతకుంట పోలీసులు కేసు నమోదు చేసుకొని విచారణ చేపట్టారు.